سسیمیزی بوغماق ایسته‌دیلر

فوریه 15, 2008 در 8:14 ب.ظ. | نوشته شده در فارس عیرقچیلیغی, تورکجه | بیان دیدگاه

27/1/2008 گئجه‌سی ایدی. وئبلاگین گونلوک زیارتچیلرینی کونترول ائتدیگیم زامان ایلگینج بیر صحنه گؤردوم. وئبلاگ زیارتچیلری بیردن بیره آزالمیش! آنلادیم کی بعلی… کؤپئی‌اوغلولار ڣیلتئر ائدیبلر وئبلاگی. زیارتچی ساییسینین 1/5 و 1/6یا ائنمه‌سینی قیرمیزی اوخلا گؤسترمیشم.

سسیمیزی بوغماق ایسته‌دیلر

صاباح-بیریسی یولداشلاردان مئساژلار گلمیه باشلادی. بالا وئبلاگ بعضی ISPلرجه ڣیلتئر ائدیلمیش. عکسینی ده سالیب گؤندردیلر. ساغ اولسونلار یولداشلار بو حاقدا وئبلاگلاریندا یازی دا یازدیلار. بو یازی(سارسيلماز باغلانتيلار) یولوموزو داوام ائتمکده داها دا گوجلندیردی منی…

سسیمیزی بوغماق ایسته‌دیلر

البتته تورک دونیاسی ایله بیرلیکده بیر چوخ تورک سایتی دا ڣیلتئر ائدیلدی او گئجه… نه ایسه دگیشیک چاره‌لر گلدی عاغلیما…

ان یاخشیسی HTTPSدن فایدالانما. WordPress.com وئبلاگلاریندا بئله بیر اؤزه‌للیک واردیر. بو وئبلاگلار ڣیلتئر ائدیلمز، یا دا ڣیلتئر ائدیلمه‌سی چوخ چتیندیر. بو او دئمکدیر کی وئبلاگ آدرئسینده Httpدن سونرا بیر دنه S قویوب، ڣیلتئردن گئچه‌جکسینیز:

httpS://turkicworld.wordpress.com/

آمما نه یازیق کی بوندان فایدالانماغی هامی بیلمیر، بعضی بیلگی‌سایارلار HTTPS صفحه‌لرینی آچمیر و داها اؤنملیسی، HTTPSین ده ڣیلتئر اولما ائحتیمالی گئدیر.

اونا گؤره ده آدرئسیمیزی دگیشمک قرارینا گلدیم. بوندان بئله یئنی آدرئسیمیز، تورکوک بیز وئبلاگی ایله قوللوغونوزدا اولاجاغام. تورک دونیاسینین بوتون یازیلاری، لینکلری و حتتا شرح/یوروملاری(Comments) تامامیله یئنی آدرئسه کؤچورولموشدور.

تورکوک بیز
http://turkukbiz.wordpress.com/

 

Advertisements
« صفحهٔ پیشصفحهٔ بعد »

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.