بابلی بابین تاپار!

مه 16, 2007 در 9:56 ب.ظ. | نوشته شده در آنا دیلی, دانیشما دیلی-فولکلور | بیان دیدگاه

ایش یئریمده ماراغالی کریمی حئیرانی بیر امکداشیم واردیر. بوگون ، کریمی‌دن بیر صحیفه شئعر وئردی بیله‌مه. سیزه ده نیسگیل ائله‌مک ایسته‌ییرم:

وار واری واردان قازانار، یوخ یوخو،     آج آجی آجلیقدا تاپار، توخ توخو.
چون یاغی یاغ اوسته قالار روزگار،     آز آزی آزدان یارادار، چوخ چوخو.
بابلی بابین تاپماسا چاتماز باشا،     گول گولو آغوشه آلار، پوخ پوخو.
گؤرنئجه منلن لجه دوشموش فلک،     سینه‌مه سانجیر اوخون اوسته‌ن اوخو.
نه صنم ایستر منی نه اؤزننه‌م،     یوخسول اولور خالقین ایچینده خوخو!
گئچدی جاوانلیق، قوجالیق حاقلادی،     خاطیره‌لر جومله یوخویموش، یوخو.
دونیا بؤیوک مزرعه‌دیر عیبرته،     سرسری باخما هوشون اولسون اوخو!
سئل کیمی سورعتله گئچیر دونیانین،     یاخشی-پیسی، چال-چاغیری، آخ-اوخو!
نه ائله گیر-چیخ، نه سوخول، نه چکیل،    معرکه‌دیر گیر-چیخی یا چک-سوخو!
سعی ائله ال توت، دوگون آچ، خئیر وئر،     نه قویو قاز، نه بیرینه تور توخو.
بیردی «کریمی» بو زامان اهلینه،     گول تک عطیر سپ یا سوغان تک قوخو!

«کریمی، رنگارنگ، ص61، تورکی غزل» باشلیقلی بو شعرده سئودیگیم گونئی آذربایجان دئییملریندن قایناقلانان:

بابلی بابین تاپماسا چاتماز باشا،     گول گولو آغوشه آلار، پوخ پوخو.

بئیتی چوخ خوشوما گلدی. فارسجا:

کبوتر با کبوتر، باز با باز،     کند همجنس با همجنس پرواز

بئیتینین قارشیلیغی اولاراق دا ایشلنه بیلر منجه. عئینی معنالاری داشییان «بابلی بابین تاپار»، «بابلی بابین تاپماسا، گون آه-وای ایله گئچر» و «چؤلمک دیغیرلانار، دوواغین تاپار» دئییملرینی 63 یاشیندا ماراغالی خانیمدان درله‌میشم.

Advertisements

نوشتن دیدگاه »

RSS feed for comments on this post. TrackBack URI

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: