بربنجی-شام آغاجی 1

آوریل 28, 2007 در 4:58 ق.ظ. | نوشته شده در دانیشما دیلی-فولکلور | 3 دیدگاه

اوشاق اویون ازگیلری>سانامالار>بارماقلار>»بربنجی-شام آغاجی»

هئچ بیر زامان اونوتمایاجاغیم اوشاقلیق گونلریمده، بابام(آتام) منیمله چئیشیدلی اویونلار اوینایاردی. چوخ کیچیک یاشلاریمدا اوووجلاریمین ایچینی یئره قویوب، بارماقلاریمی آشاغیدا وئردیگیم بارماق ساناماسینی اوخویارکن، سایاردی. منیم چوخ خوشوما گلردی، اونا گؤره‌ده اونوتمامیشام.

بو ساناما ماراغا یؤره‌سینه عاییدیدر و پروتوتورک-توتئمچیلیک ایزلری وار بیله‌سینده. جانلی و جانسیز طبیعت عونصورلرینه دیققت یئتیرین. آما سیزلردن بیر ریجام وار. لوطفن بو سانامانی بؤیوکلرینیزه اوخویوب، اؤز یؤره‌نیزده‌کی وارییانتینی-من وئردیگیمله فرقلی ایسه- تثبیت ائتمه‌نیزی ریجا ائدیرم:

Bərbənci,بَربَنجی
Şam ağacı(şamaacı),شام آغاجی
Şatır geçi,شاطیر گئچی
Qotur geçi,قوتور گئچی
Happan,هاپپان
Huppan,هوپپان
Yarım,یاریل
Yırtıl,ییرتیل
Su iç(suviş),سو ایچ
Qurtul.قورتول

بو سانامانی ایسه آذربایجان اوشاق ادبیاتی سایتیندان گتیریرم، ماراقلیدیر: 

Baş barmaq,باش بارماق
Başala barmaq,باشالا بارماق
Uzun hacı,اوزون حاجی
Qıl turacı,قیل توراجی
Xırdaca bacı.خیرداجا باجی
Bu vurdu,بو ووردو
Bu tutdu,بو توتدو
Bu bişirdi,بو پیشیردی
Bu yedi,بو یئدی
Vay, bəbəyə qalmadı.وای ببه‌یه قالمادی

Advertisements

3 دیدگاه »

RSS feed for comments on this post. TrackBack URI

  1. چوخ گؤزل ایدی، ساغ اول

  2. خالخال دا بئله دير:
    اينه ، اينه
    اوجو دويمه
    شام آغاجي
    شاطير گئچي
    گووج آغاجي
    قوتور گئچي
    هاپبان
    هوپبان!
    ياريل(يا دا ياريم؟)
    ييرتيل
    سو ايچ
    قورتول!!!

  3. سولدوزدا بئله دئيه‌رلر:
    ايگنه ايگنه
    اوجو دوگمه
    شام آغاجی
    شاطير كئچه‌ر
    قوز آغاجی
    (قوتور كئچه‌ر)
    هاپبان هوپبان
    ياريل ييرتيل
    سو ايچ
    قاچ قورتول

    عليريضا صررافی ايسه «تورك خالق ادبياتی» (urmu.birolmali.com/depo/SERRAFI_Turk_xalq_edebiyati.pdf) كيتابيندا بئله يازير:

    ايگنه-ايگنه
    اوجو دويمه
    بربرينجی
    شام آغاجی
    شاطير كئچی
    قوز آغاجی
    قوتور كئچی
    هاپپان
    هوپپان
    ياريل ييرتيل
    سو ايچ
    قورتول


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: