دانیشما دیلی کامپانیاسی

آوریل 11, 2007 در 7:41 ق.ظ. | نوشته شده در آنا دیلی, دانیشما دیلی-فولکلور | 3 دیدگاه

قیویر زیویر وئبلاگینین دانیشما دیلی حاققینداكي یازدیقلارینا قاتیلاراق دانیشما دیلی حاقیندا تورک وئبلاگلاریندا بیر کامپانیا باشلانماسی گرکدیگینه اینانیرام.

ایراندا ادبی تورک دیلی تشککول مرحله‌سینده‌دیر
قوزئی آذربایجانین تام عکسینه ایراندا ادبی تورک دیلی تشککول مرحله‌سینده‌دیر و یازی قوراللاری (اورتوگرافی)سئمینارلارینین آلدیغی قرارلار(اوجاق سایتیندان و یا تورک دونیاسی وئبلاگیندان تورک دیلی یازی قوراللاری PDF شکلینده آلابیلر سینیز) و گیریشیملر ادبی-یازی دیلیمیزین آنا خطلرینی جیزمیشدیر. بو قرارلارا گؤره،  ادبی تورک دیلینین تشککولو و زنگینلشمه‌سینده تورک خالق ادبیاتینین دا بؤیوک رولو اولجاقدیر.

دانیشما دیلینین «بیر» کلیمه‌سی ده اؤنملیدیر
اونا گؤره تورک دیل و فولکلورونو داها یاخشی آراشدیرماق اوچون اؤز یاشادیغیمیز بؤلگه‌ده یایغین اولان ماراقلی سؤز ایفاده‌لری، آتا سؤزلری، دئییملر، آلقیشلار، قارغیشلار، دبلر، حیکایه‌لر، ناغیللار و باشقا تورک دیلی اینجه‌لیکلرینی، یبر کلیمه بئله اولسا، یازیب یایمامیز گرکمکده‌دیر. بیزیم بیلدیگیمیز بعضی عیباره‌لر یا سؤز ترکیبلری تورک دیلینین بو گونه کیمی تانینمامیش، تورک دیلچیلیگی باخیمیندان اولدوقجا دگرلی جنبه‌لریندن بیرینی ایشیغا چیخارابیلر.

سؤز داغارجیغیمیز(Vocabulary) گونو-گوندن آزالیب یوخ اولماقدادیر
هر آتا-آنانین، قوجانین، خان ننه‌نین، عاشیغین، بالابانچینین و… اؤلمه‌سی ایله مینلرجه ناغیل، آتالار سؤزو، دئییم، ماهنی، دستان، حیکایه، هاوا و… تورپاق آلتینا گئتدﻴﮕﻳنه گؤره،  آنامیزدان  ائشیتدیگیمیز بیر دئییمی، لایلانی ویا خالق ماهنیسینی  بوگون یازیب ساخلاییب، اینجه‌له‌مسک، صاباح چوخ گئج اولاجاقدیر.

گوج بیرلیکده‌دیر
چئشیدلی وئبلاگ یازما سیستئملرینده یازمامیزا باخمایاراق، ائتیکئتلر و موضوعلار عئینی آدلا وئریلمه‌لیدیر. دانیشما دیلی حاققینداکی یازیلاریمیزی «دانیشما دیلی» Tag, Category & Lableلری ایله یایمالییق. گله‌جک گونلرده من ده «دانیشما دیلی» حاقیندا یازاجاغام.

Advertisements

3 دیدگاه »

RSS feed for comments on this post. TrackBack URI

  1. سلام
    چوخ ساغ‌ اولون کی یازی‌لاریم اوخویورسونوز. قیویر-زیویری آلقیشلادیغینیز اوچون تشککور ائدیرم.
    چوخدان بیر سؤز دئمک ایستیردیم: ووردپرئسین یئنی یازی پوست ائتمه صحیفه‌سینده «post slug» آدلی بیر بؤلوم وار کی اوندا باشلیقلارین لاتینجاسین یازا بیلرسینیز.
    اسه‌ن قالین

  2. […] تورک دونیاسی « دانیشما دیلی کامپانیاسی […]

  3. […] at 9:10 ق.ظ | In آنا دیلی, تورکجه, دانیشما دیلی-فولکلور | “دانیشما دیلی کامپانیاسی” دئمک یئرینه “تورک وئبلاگلاریجا فولکلور […]


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: