کیملیگیمیز و دیلیمیز، یالنیز و یالنیز «تورک» و «تورکجه» آدلانمالی
جولای 6, 2007 at 12:59 ب.ظ | In آزربایجان, آنا دیلی, میللی شوعور | 1 Commentقوندارما آدلار
ایراندا و دونیادا، تورک دیلی و تورک میللتینین ساییسیز دوشمانلاری واردیر. دیل، تاریخ و کیملیک حاقدا باشقا میللتلرله چوخ دانیشارام. بونلارین بعضیسینین ظننیجه، تورک دیلی/میللتی اونلارین یئرلرینی دارالدیر! اونا گؤره ده، دیلیمیزی و کیملیگیمیزی دانماق و محو ائتمک اوچون، چئشیدلی حربهلر قوللانیرلار. اؤرنک اولاراق، قوندارما/اویدورما آدلارلا میللتیمیزی مانقورتلاشدیرماق، مورالینی پوزماق و یوخ ائتمک ایستهییرلر. اؤرنک: آذری، آذریجه، آذربایجانجا و…
اونوتمایین! دیلیمیز و میللتیمیزین آدی هر زامان «تورک» و «تورکجه» اولموشدور، اولاجاقدیر. اینانمیرسیز آنانیزدان سوروشون! آذری، آذریجه، آذربایجانجا و بنزری سؤزلری ایشلتمک، تاریخی خطادیر. بو ترکیبری ایشلتمهیین. گؤزل «تورک» و «تورکجه» سؤزلری وارکن، بو قوندارما سؤزلره گرک یوخ…
قوندارما «آذربایجانجا» سؤزو هاردا یاراندی؟ -قوزئی آذربایجاندا!
قوزئی آذربایجاندا میللتیمیزین رسمی آدی «تورک میللتی» یئرینه، «آذربایجان میللتی» و دیلیمیزین رسمی آدی «تورکجه/تورک دیلی» یئرینه، «آذربایجانجا/آذربایجان دیلی» اولاراق قبول ائدیلمیشدیر. بونو هر زامان قوزئی آذربایجان آیدینلارینا خاطیرلاتمالی و هئچ بیر زامان بو قوندارما ترکیبلری منیمسهمهمهلیییک. آذربایجان یئر آدی اولا بیلر، آمما میللت آدی، دیل آدی اولا بیلمز. دیلیمیزین آدی تورکجهدیر. ایرانجا، مراکئشجه، افغانیستانجا، پاکیستانجا نه قدر گولونجدورسه، آذربایجانجا دا بیر او قدر گولونجدور.
بو قونودا داها اطرافلی بیلگی اوچون باخین: شاعیرلریمیزده تورک، تورکی و تورکجه/شاعیرلریمیز بیزی و دیلیمیزی نئجه آدلاندیریرلار؟ – محمدرضا هیأت
۱ دیدگاه »
RSS برای دیدگاههای این نوشته. URI دنبالک
دیدگاهتان را بنویسید:
وبنوشت در وردپرس.کام. | Theme: Pool by Borja Fernandez.
Entries and comments feeds.
یاشاسین آذربایجانی ، یاشاسین سنی که آذربایجان قهرمانی سان ! یاشا تورک اوغلو . یاشا
دیدگاه با Tatsu — جولای 6, 2007 #