کوردلر و کیلاس؟!
ژوئن 22, 2007 at 8:00 ق.ظ | In دانیشما دیلی-فولکلور, کورد یاییلماچیلیغی-تئرورو | Leave a Commentآلمانلارین قاداسی توشسون فارسلارین گؤزونه یازیسینیدا بو بؤلومو:
زبان آلمانی از دستهی ژرمنیِ گروه بزرگ زبانهای هندواروپایی است و رابطهی خویشاوندی دوری با فارسی دارد که از خانوادهی ایرانی این گروه است. این پیوند البته به این معنا نیست که تسلط به فارسی کمک ویژهای به یادگیری آلمانی میکند و برعکس
یازارکن بیر خاطیره یادیما دوشدو. ایشلهدیگیم تاکسی آژانسیندا بیر گونئی-باتی آزربایجان کوردو(شکاک) وار ایدی. منه دئیردی بیز کوردلرین دیلی اینگیلیسجهیه بنزهییر! اونا گؤره ده کیلاسیمیز چوخ یوخاریدی!! دئینده میثال چک دئیردی اینگیلیسجهده یومورتایا ائگ(egg) دئییرلر، بیز ده یومورتایا هئک(hêk) و یا ائگ دئییریگ!!! اورگیمده دئدیم ایندی سنه ائله جاواب وئرهرم کی بیرده کیلاسلی(sosyetik) اولماق عاغلینا گلمز.
دئدیم اوغول بالا بیرینجیسی: بو ائگ سؤزجوگونو سیز شکاکلار(تورکییه سینیری کوردلری) اوغورلاییبسیز، اصیل کوردجهده(سنندج) یومورتایا هیلکه و یا(کیرمانشاه) خا(خایا سؤزجوگوندن تؤرهمه) دئیرلر! ایکینجیسی: یوغورد(Yogurt/Yoghurt) و بیر سیرا سؤزلر تورکجهدن اینگیلیسجهیه گئچمیش، ائله ایسه بیز اینگیلیسلردن داها کیلاسلیییق!! دئدی آماندی سن دوز دئییرسن فقط بیر داها بیزی سنندج-کیرمانشاهلا بیر یئره قویما اونلار آدام دئییللر!!!
آچیقلاما: کیلاس، باکیلاس، کیلاسلی، های کیلاس، کیلاسی یوخاری و بنزری سؤزلر قوندارما اولوب، تئهران فارسجاسیندان دیلیمیزه گئچمیش و گئچمکدهدیر. آوروپا دیللرینین هئچ بیریسینده class سؤزجوگو و یا ترکیبلریندن بیئله بیر آنلام چیخارماق اولماز. باکیلاس، کیلاسلی و های کیلاس آدامین تورکجهسی کیبار، آغا، نازیک و sosyetikدیر. اینگیلیس دیلینده ده high societyنین عئینی آنلاما گلمهسینی سایین موهندیس ایبراهیم رفرف جنابلاریندان ائشیتدیگیم اوچون باکیلاس، کیلاسلی و های کیلاس یئرینه هلهلیک sosyetik سؤزجوگونو اؤنهریرم.
No Comments Yet »
RSS برای دیدگاههای این نوشته. آدرس دنبالک
دیدگاهتان را بنویسید:
وبلاگ روی وردپرس.کام. | Theme: Pool by Borja Fernandez.
Entries and comments feeds.
